គណៈគ្រប់គ្រងសាលាអន្តរជាតិអេសអាយអេស (SIS) មានកិត្តិយសសូមគោរពថ្លែងអំណរគុណយ៉ាងជ្រាលជ្រៅបំផុតចំពោះវត្តមាន លោកឡាយ ប៊ុនឡុង ប្រធានការិយាល័យអប់រំយុវជន និងកីឡាខណ្ខទួលគោក តំណាងដ៏ខ្ពង់ខ្ពស់របស់លោកអភិបាលខណ្ខ និងជាប្រតិភូដឹកនាំគណៈកម្មការអធិការកិច្ច ដែលបានចុះត្រួតពិនិត្យផ្ទាល់គ្រឹះស្ថានសិក្សានៃសាលាអន្តរជាតិអេស អាយ អេស (SIS) ក្នុងដំណើរការស្នើបើកសាលារៀនឡើងវិញ ក្នុងបរិបទកូវីដ កាលពីព្រឹកថ្ងៃសុក្រ ០៤កើត ខែភទ្របទ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១០ ខែកញ្ញា ឆ្នាំ២០២១ ។ យោងលិខិតប្រកាសលេខ ៧៣/២១ សជណ របស់សាលារាជធានីភ្នំពេញ លិខិតលេខ៤៦ អយក.សណន របស់ក្រសួងអប់រំ យុវជននិងកីឡា និងស្មារតីអង្គប្រជុំ គណៈគ្រប់គ្រងសាលាអន្តរជាតិអេស អាយ អេស (SIS) សម្រេចបើកដំណើរការឡើងវិញក្នុងពេលឆាប់ៗខាងមុខ ចំពោះតែថ្នាក់ទី៧ ដល់ថ្នាក់ទី១២ អាស្រ័យហេតុនេះ សូមមាតាបិតា អាណាព្យាបាលសិស្សានុសិស្ស និងបុគ្គលិកអប់រំគ្រប់លំដាប់ថ្នាក់នៃសាលាអន្តរជាតិអេស អាយ អេស (SIS) ជ្រាបជាព័ត៌មាន និងមុខការ ។