ថ្ងៃអង្គារ ៨កើត ខែមាឃ ឆ្នាំច សំរឹទ្ធស័ក ព.ស ២៥៦២ ត្រូវនឹងថ្ងៃទី១២ ខែកុម្ភៈ ឆ្នាំ២០១៩ គណៈគ្រប់គ្រងសាលាអន្តរជាតិ អេស អាយ អេស បានរៀបចំកម្មវិធីជជែកពិភាក្សាលើប្រធានបទ "សេចក្តីស្រឡាញ់ធ្វើឲ្យមានស្រ្តេស" ក្នុងវគ្គផ្តាច់ព្រ័ត្រដោយមានការចូលរួមពីសិស្សថ្នាក់ទី ១០គ១ ១២ខ១ ១២ក២ និង១១ក២ ដោយធ្វើការប្រកួតតាមវេនសិក្សារបស់សិស្ស (វេនព្រឹក៨:០០-១១:០០ - វេនរសៀល១:៣០-៤:៣០) កម្មវិធីនេះរៀបចំឡើងក្នុងគោលបំណងបញ្ជ្រាបពីផលប៉ះពាល់នៃទិវាបុណ្យនៃក្តីស្រឡាញ់ចំពោះយុវជនយុវតីខ្មែរ និងវែកញែកឲ្យដាច់នូវអត្ថន័យសេចក្តីស្រឡាញ់ និង ស្នេហារវាងបុរសនិងស្រ្តី។ និងយោងតាមសេចក្តីណែនាំរបស់ក្រសួងអប់រំ យុវជននិងកីឡា លេខ០៥ អយក.សណន ចុះថ្ងៃទី ០៧ កុម្ភៈ ឆ្នាំ២០១៩ ស្តីពីវិធានការទប់ស្កាត់ភាពមិនប្រក្រតីក្នុងទិវាបុណ្យនៃក្តីស្រឡាញ់។